Ilinniarlutik naammassisut ikileriarput
Tabelimi 1-imi takuneqarsinnaavoq 2004-miit 2014-imut ilinniaqqittut amerlassusaat aallartitsinernut, ingerlatsinernut, unititsinernut ilinniakkanillu naammassinninnernut immikkoortillugit.
Tabeli 1. 2004-imit 2014-imut ilinniaqqittut amerlassusaat, ilinniakkap suuneranut, ilinniarnerup ingerlaneranut ukiunullu immikkoortillugit
Malugiuk: Naatsorsukkat tamarmik ”ukiup naalernerani” naatsorsugaapput, inuk ataaseq immikkoortuni arlalinni nalunaarsimasinnaasarpoq soorlu ukiumi tassani ilinniakkamik aallartitsisutut. Taamatuttaaq inuk ataaseq aallartittutut unittutullu nalunaarsimasinnaasarpoq, pineqartoq ilinniakkanut marluusunut ukiup ingerlanerani ataatsimik arlalinnilluunniit ilinniakkanik ingerlatsisimaguni.
Najoqqutaq: Naatsorsueqqissaartarfik – Kisitsisaataasivik (http://bank.stat.gl/UDKISC11A, http://bank.stat.gl/UDKISC11B, http://bank.stat.gl/UDKISC11C aamma http://bank.stat.gl/UDKISC11D).
2014-imi 196-t ilinniaqqittut naammassipput ukiut marluk siornatigut naammassisisut 210-upput.
Titartagaq 4. 2004-miit 2014-imut ilinniaqqillutik naammassisut
Najoqqutaq: Naatsorsueqqissaartarfik – Kisitsisaataasivik takujuk ( http://bank.stat.gl/UDKISC11D ).
Inuussutissarsiutinik ilinniaqqinneq ilinniakkani naatsuni allanngorneq annertunerpaavoq, tassani soraarummeertut amerlassusaat affaannanngormata. 2014-imi professionsbacheloritut ilinniarluni naammassisut amerlanerpaapput, soraarummeertut 54 pct.-erimmatigit.
2014-imi ilinniaqqinnerni soraarummeertut 60 pct.-ingajaat Kalaallit Nunaanni ilinniarfinneersuupput.